لو مخطط انك يكون ليك حلم وعايز تجهز لحاسبات ومعلومات
Introduction to Computer Science
خلينا نبدا بسوال مهم لي بندرس ماده تمهيديه في علوم الحاسب من الاساس؟
ما احنا داخلين كليه حاسبات، اكيد هنتعلم برمجه، فاي لازمه ماده تعرفنا على الكمبيوتر وعلوم الحاسب قبل ما ندخل في المواد المتخصصه
عامه اسم الماده ممكن يخليك تتوقع انها مجرد مقدمه بسيطه عن الكمبيوتر ومكوناته، لكن المحتوى بيختلف من كليه للتانيه، وممكن يمتد لموضوعات اعمق من كده
قبل ما نتكلم عن الماده خلينا نعرف يعني ايه Computer Science
هل هو البرمجه وبس؟
لا، البرمجه جزء من المجال، لكنها مش المجال كله،، لوللل هقولك
♡علوم الحاسب بتدرس طرق تمثيل المعلومات ومعالجتها، وتصميم الخوارزميات، وحل المشكلات، وفهم الانظمه الحاسوبيه وطريقه عملها
يعني مش بس ازاي تكتب برنامج ينفذ مهمه، لكن كمان ازاي تفكر في الحل، وازاي تعرف ان الحل صحيح، وازاي تقارن بين اكتر من طريقه لحل نفس المشكله♡
افهم الكلام دا كويس جدااا...
وده سبب انك ممكن تدرس موضوعات في الكليه مش بتكتب فيها كود طول الوقت، ومع ذلك تلاقيها بتاثر على طريقه تفكيرك كمبرمج
طيب ليه محتاجين ماده تمهيديه اصلا بقا
لانك لو بدات تتعلم كل موضوع لوحده، ممكن تعرف تستخدم ادوات كتير من غير ما تكون شايف العلاقه بينها
ممكن تتعلم لغه برمجه، وبعدها تتعلم Data Structures، وبعدها Databases، لكن تفضل شايف كل واحده كانها جزيره منفصله
الماده التمهيديه المفروض تساعدك تبني خريطه ذهنيه للمجال
تعرف يعني ايه بيانات، وازاي الكمبيوتر بيتعامل معاها، وايه معنى Algorithm، وازاي المشكله تتحول لخطوات قابله للتنفيذ، وايه العلاقه بين البرنامج والكمبيوتر اللي بينفذه
مش معناها انك هتتقن كل الموضوعات دي من اول ماده
لكن المفروض تبدا تفهم الصوره العامه، وتبقى عندك ارضيه تبني عليها لما تدخل في التفاصيل بعد كده
......
من الموضوعات اللي ممكن تقابلها في المقررات التمهيديه تمثيل البيانات
1.Data Representation
احنا كبشر بنتعامل مع نصوص وارقام وصور والوان واصوات
لكن الكمبيوتر محتاج طريقه يقدر يمثل بيها المعلومات دي ويعالجها
وهنا بتبدا تتعرف على Binary وBits وBytes، وممكن تدرس Number Systems زي Decimal وBinary وHexadecimal، حسب محتوى المقرر
طيب ليه بندرس ده برضو مفهمتش
مش الهدف انك تحفظ تحويلات من نظام عددي للتاني وبس
الهدف انك تفهم ان البيانات اللي بتتعامل معاها في البرامج لازم يكون ليها تمثيل يقدر الكمبيوتر يتعامل معاه
مثلا الرقم اللي بتكتبه، والحرف اللي بتشوفه على الشاشه، والصوره اللي بتفتحها، مش بيتخزنوا بنفس الشكل اللي انت شايفهم بيه
وفي بعض المقررات هتتعرف كمان على تمثيل النصوص باستخدام انظمه زي ASCII وUnicode، وتمثيل الالوان باستخدام قيم رقميه
وده بيديك بدايه لفهم العلاقه بين المعلومات اللي بنستخدمها وطريقه تمثيلها داخل الكمبيوتر
2. Hardware وSoftware
موضوع تاني ممكن تقابله هو مكونات الكمبيوتر والفرق بين Hardware وSoftware
الHardware هو المكونات الماديه زي الCPU والRAM واجهزه التخزين
اما الSoftware فهو البرامج والتعليمات اللي بتخلي الكمبيوتر ينفذ مهام معينه
الاهم من انك تحفظ اسماء المكونات انك تفهم وظيفه كل جزء بشكل عام
الCPU بينفذ التعليمات، والRAM بتوفر مساحه سريعه للبيانات والتعليمات اللي النظام محتاج يتعامل معاها اثناء التشغيل، واجهزه التخزين بتحتفظ بالبيانات لفتره اطول
وطبعا التفاصيل اعمق من كده بكتير
لكن فهم الصوره الاساسيه بيساعدك بعدين لما تدرس Computer Organization وComputer Architecture وOperating Systems
ساعتها مش هتبدا من الصفر، لانك هتكون عارف ان فيه اسئله اكبر محتاجه اجابات
ازاي التعليمات بتتنفذ وازاي البرنامج بيتعامل مع الميمور واي اللي بيحصل بين كتابه الكود وتنفيذ البرنامج
3.Computational Thinking وProblem Solving
ودي من اهم الافكار اللي ممكن تخرج بيها من اي مقرر تمهيدي كويس
Computational Thinking
يعني ازاي تتعامل مع المشكله بطريقه منظمه تساعدك توصل لحل
خلينا ناخد مثال بسيط
لو طلبت منك ترتب مجموعه ارقام من الاصغر للاكبر، ممكن تبدا ترتبها بشكل مباشر
لكن لو عندك مليون رقم، هل هتفضل تستخدم نفس الطريقه اللي استخدمتها مع خمس ارقام
هنا تبدا تسال نفسك
اي المشكله اللي محتاج احلها و اي المعلومات المتاحه عندي واي بقا الخطوات اللي ممكن اوصل بيها للحل طب في طريقه ابسط او اسرع وبرضو ازاي اتاكد ان النتيجه صحيحه لا الاصح كمان
ومن هنا بتدخل افكار زي Decomposition، يعني تقسيم المشكله لاجزاء اصغر، وAbstraction، يعني التركيز على التفاصيل المهمه للمشكله وتجاهل التفاصيل اللي مش محتاجها في اللحظه دي
الفكره مش انك تستخدم المصطلحات دي في كلامك وخلاص
الفكره انك تبدا تتعود على طريقه تفكير منظمه، تقدر تستخدمها في البرمجه وفي حل مشكلات كتير غير البرمجه كمان
4.Algorithms
تعظيم سلام من غير كلام عذبه الالجوريزم ناس تمم
بعد ما تبدا تفهم المشكله وطريقه التفكير فيها، هتقابل مفهوم مهم جدا
Algorithms
الAlgorithm هي مجموعه خطوات محدده لحل مشكله او تنفيذ مهمه
مثلا لو عايز تبحث عن اسم داخل قايمه اسماء، ممكن تمشي على الاسماء واحد واحد لحد ما تلاقي الاسم اللي بتدور عليه
دي فكره Linear Search
ولو البيانات مرتبه، ممكن تستخدم طريقه مختلفه تقلل عدد العناصر اللي محتاج تفحصها، زي Binary Search
لكن خلي بالك ان Binary Search مش مجرد طريقه اسرع في كل الظروف، هي بتعتمد على ان البيانات تكون مرتبه وان طريقه الوصول للبيانات تسمح بالاستفاده من التقسيم ده
هنا انت بدات تتعلم ان نفس المشكله ممكن يكون ليها اكتر من حل، وان اختيار الحل مش بيتحدد بمجرد انه اشتغل
ممكن بعد كده تتعلم ازاي تقارن بين الحلول من ناحيه عدد الخطوات والوقت والذاكره اللي بتحتاجها
وده المدخل لموضوعات اعمق زي Algorithms Analysis وBig O
......
فالماده التمهيديه ممكن تعرفك على الفكره وتخليك تفهم ليه بنقارن بين الخوارزميات
لكن دراسه الخوارزميات بعمق، وتحليلها رياضيا، وفهم حالات استخدامها وحدودها، دي حاجات هتحتاج ترجع لها في مقررات ومصادر متخصصه بعد كده
.....
هل كل ده موجود في كل كليه؟
هنا لازم ناخد بالنا من نقطه مهمه
مش كل الكليات بتدرس نفس المحتوى تحت نفس الاسم
ممكن كليه تدرس مقدمه علوم الحاسب كماده عامه، وكليه تانيه تركز اكتر على مقدمه الكمبيوتر وتمثيل البيانات ومكوناته، وكليه تالته تدخل في اساسيات البرمجه والخوارزميات من البدايه
وممكن الموضوعات اللي بنتكلم عنها تتوزع على اكتر من ماده بدل ما تكون كلها في ماده واحده
عشان كده انا مش بقول ان كل طالب لازم يكون درس كل المحاور دي في اول ماده
احنا بنتكلم عن الافكار اللي ممكن تقابلها في المقررات التمهيديه، وايه المفروض تفهمه من كل فكره لو كانت موجوده في منهجك وفعلا الماده دي تتحط ف قايمه لازم تذاكرها صح
....
طيب اذاكر الماده دي منين؟ لول سرش يا حبيبي
لو عايز ترجع تذاكر الماده، متبداش عشوائيا من فيديو بعنوان Introduction to Computer Science وتفترض انه هيغطي كل حاجه
المهم سواء دا عندك او لا سرش وذاكر يعني
الData Representation، ابدا بفهم انظمه العد وتمثيل المعلومات
الHardware وSoftware، افهم وظيفه المكونات الاساسيه والعلاقه بينها
ال Algorithms وProblem Solving، اتدرب على تحويل المشكلات لخطوات واضحه، وتتبع الحل، وتجربه امثله مختلفه
اساسيات برمجه، اتعلم المفاهيم المطلوبه وطبق عليها بنفسك
وممكن تستفيد جدااا من CS50 كمصدر تمهيدي لبعض افكار علوم الحاسب وحل المشكلات والبرمجه، لكنه مش بديل تلقائي عن توصيف مادتك، لان المحتوى مش لازم يكون مطابق
ومهم جدا انك متكتفيش بالمشاهده